نفرح.....بازماني ايطول كيف طال ازمان نوح
نفرح با زماني ايعوم كيف الفلك امواج و لوح
نفرح بالذات اتطول كيف ايطول نهج الروح نعرف كلشي ايزول كيف ايزول واحد مطروح
لكن الضد فينا بليا مبليين ولو كلشي مشروح
*هاك الكافي من الحروف ولى حرف باين مفضوح.
"""""""""""""""""""""""""""""""""""""""""""""""""""""""""
سار الجرح دامي كل الذات تبكي عليه مقروح
سرت تايه بين القر والشوم على كرشى مشبوح
اللي سار فيها جن قالوا وين لفقيه مول الشروح
نكتب نمسح كثرة ا لقلام ايلاكان لكلام مسموح
نضرب النمرة بالارقام ايلا كان شي رقم مربوح ولد العم...راه اليهودي اسفك الدم سرت مذبوح
*خلوني مع نهش لكلاب لا اتقارنوا المهجو بالممدوح
""""""""""""""""""""""""""""""""""""""""""""""""""""""""""
واش واكل الضربة كيفو كيف اللي بصحتو ايفوح
واش العطسةعطسة وحدة بالعادي وحدة اتفوح
واش امنور لعقل كيفو كيف ولد لمسطي فريوح
واش الطالع للنخلة في اعلاها بالذوق ياكل لبلوح
كيف اللي حاول يطلع من وسط النخلة مزدوح
"""""""""""""""""""""""""""""""""""""""""""""""""""""""" *واش الراقد في افراش الصوف وايزار مريوح.؟
""""""""""""""""""""""""""""""""""""""""""""""""""""""""
كيفو كيف الضال الطريق سبابو اعشيرو مجروح
واش الدقيق اعجينة كيفو كيف الخبز المطروح
واش العز عند الرجال كيف الجبل كيف السفوح في بالي واحد كيف سر العرب كيف سر الشلوح
""""""""""""""""""""""""""""""""""""""""""""""""""""""""
الالف لاماليف عذبني جذبة عذبني كصبة
عذبني عذاب القاري بين الواقع والكتبة
عذبني عذاب القاري في خاطرو الف جذبة
*سار الناهي ينهى بين القاري و حروف الطلبة
""""""""""""""""""""""""""""""""""""""""""""""""""""
سرت نعرف بين العارف والخاطب خطبة سرت اندادي واندود مالكي ياطلحة حطبة
"""""""""""""""
سرت هدون نعرف بين ضرب الكلخة والعصا
سرت راعي نرعى بين حب النعجة او المعزة
"""""""""""""""""""""""""""""""""""""""""""""""""""
خلاص لا ايطول الليل نبقاو ساهرين
الكلام يدمع العين احنا واحد واثنين
احنا القلب فالقلب احنا العين فالعين
""""""""""""""""'"
كفى ثم كفى
كفى..............
كفى.........
العابد عبداالرحيم : 20/01/2018.
"""""""""""""""""""""""""""""""""""""""""
ملهمتي الفقيه بن صالح
""""""""""""""""""""""""""""
Aucun commentaire:
Enregistrer un commentaire