هشام عبد الله // طمنوني

طمنونى

طمنونى يا ناس عليه..

هيا لسه الشمس بتبان من عينيه

ولا لسه ضافيره طايره ...

ما هيا خلت اشواقى حايره

خليت الفكر سرح اليه ...

من ساعة الليل ما مسا عليه

اصله اكمنه لسه صغير ...

 بس شبك القلب اليه

طمنونى يا ناس عليه

كنت شايفه وهو ماشى ..

خوفى عليه دا شئ اساسى

كنت استنا خطوته يوماتى ...

 تخطف دقه القلب عادى

كنت اتبعه بــــ عينيه ...

من حلاوته يتلموا الناس عليه

اى كلمه من يقدر عليه ...

مهو عليه نظره تعادى

بس طمنونى يا ناس عليه

افتكرت فى يوم اصرحه ...

 واكسب وده وابقى جنبه

ميلت عليه بنظرة تسحر ..

. لخطف قلبه بفكر يأسر

وعزمته على قهوه ساده ...

 قالى دى هتبقى عاده

ولا فكرك يروح لحاجه ...

 دانا قلبى مش بقهوه ساده

دانا ملكه فى توب اميره ...

واحلامى كلها سعيده

روح بعيد وبطلها عاده...

وفكر يوم وخليها زياده

ومن ساعتها وانا بحاول اطمن عليه....

من كتاباتى