حبيب عمري ومنى عيني
وحشني كتير...............................
يا. اجمل غنوة في حياتي
شذاها عبير ..........................
تملي عنيك وخداني ..........
اشوف فيها هنا وحروف
وصوت همسك بيحييني
ما أحس معاه بلحظة خوف
دا انت فرحتي وقدري
وحلمي لبكره ولفجري...........
هاتي ايديك تحضن ايديا
خلي عنيكي تسحر عنيا
واسمعي نبضي. اللي فيا
بيقول حياتي أنت اللي ليا
عايز أحس إنك بقيتي دنيتي
أسمع فيها كلام يدوب نبضتي
وإيد حنونة تمسح تملي دمعتي
وحضن دافئ ما أحس فيه بغربتي
عايزك تكوني نسمة حلوة معطرة
زي الزهور رقيقة ديما ومنورة
تنشر عطورها للقلوب المخضرة
تشوف فيك دنيا صافية مكررة
عايزك نغمة حلوة فوق الشفاه
أسمع طربها أنسى بيها قولة آه
يرقص قلبي ويتمايل على صداه
خليك تملى لحن جميل بتمناه
عايزك روح جميلة ديما تسامح
من غير عتاب ولا ملام ولفظ جارح
وتنسي ديما غلطتي وقت الغضب
وإيد مفرودة بالسلام ديما تصافح
******************************
بقلم الشاعر / مصطفى كرم
Aucun commentaire:
Enregistrer un commentaire