(( قسمه ونصيب ))
بقلمى / ربيع السيد
؛---------------------
كل أملى ومنايا
إنى أشوفك بس سعيده
لو تكونى مش معايا
أو تكونى حتى بعيده
ولو فى بعدك عذابي
أنا راضى يا أغلى حبيبه
مش مهم دموعي تنزل
مش مهم نار التنهيده
المهم عندي .. إنتى
تفرحى بدنيا جديده
دا كل أملى .. ومنايا
إنى أشوفك بس سعيده
؛--------------------
سيبها يا قلبى تعيش حياتها
وعيش على الجرح الأليم
أبعد خلاص .... وإتمنالها
كل السعاده .. مع الحبيب
دارى دموعك .. والجراح
دا كل شئ قسمه ونصيب
أغلى الحبايب منى راح
وغيابه صعب وأسى أكيد
هبعد خلاص علشان ترتاح
وهعيش مع الذكرى وحيد
سيبها يا قلبى تعيش حياتها
وعيش على الجرح الأليم
؛-----------------------
مش بإيدى عذابي وحيرتى
مش بإيدى نار التنهيده
كل شئ مكتوب حبيبتي
الوداع يا أغلى حبيبه
طيفك دايمآ هيكون جنبى
ومهما طال بعدك قريبه
دا كل أملى ... ومنايا
إنى أشوفك بس سعيده
؛----------------------
رغم البعد أنا قلبى عندك
طيفى دايمآ هيكون جنبك
ولو فى يوم ندانى قلبك
هتلاقينى بسرعة جايلك
كل دا يا حبيبتي وأكتر
كل دا علشان ... بحبك
ولا كان يوم على بالى يخطر
تبعدى أو أبعد أنا عنك
حتى فى بعادك يا غاليه
ساكنه قلبى ومعايا صورتك
ورغم البعد أنا قلبى عندك
؛-------------------------
خدى كل الفرح ليكى
وإتهنى يا أغلى حبيبه
وسبينى .. لذكرياتى
والدموع مع التنهيده
مش مهم عذابي وحيرتى
لما تكوني عنى بعيده
المهم تكوني إنتى
متهنيه بدنيا جديدة
دا كل أملى ومنايا
إنى أشوفك بس سعيده
كل أملى .. ومنايا
إنى أشوفك بس سعيده
؛-------------------------
كلمات / ربيع الغريب
؛------------------
Aucun commentaire:
Enregistrer un commentaire