محمد مجاهد // نهاية حب

نهاية حب                                                                   مش هستنى تقولي إبعد                                                      أنا هبعد من غير ما تقول                                                 إن كنت مرة أنا خنتك                                                            ما انا شفتك بعدها بتخون                                               إن كنت عاوز نتحاسب                                                            إبدأ يالة أوام في الحال                                                يمكن يجي يوم نتلاقى                                                    بس انا شايف إنه محال                                               شايف قلبي عمال ينزف                                                ينزف دم ليل ونهار                                                                ما هو قلبي إن كان يوم خانك                                          حط نفسه جوه النار                                                     مش علشان أنا خنتك مرة                                               يبقى إنت برده بتخون                                                    إن كنت  غلطت لمرة                                                       كنت انت تسامح وتصون                                                 يا ريتني ما جيت الدنيا                                                   ولا كنت إنت ولا اكون                                                 كلمات الشاعر والأديب محمد مفيد فؤاد محمد مجاهد