بن الحبيب مكاوي // زجل مغاربي

بين شاعر وشاعرة
زجل مغاربي
الشاعرة  الجزائرية زهية بن بسكري والشاعر بالحبيب مكاوي
هي....

انا بنت شراف وعتز بأصلي
بنت العروبة وناسي قع رجال

سالو على لجداد كانو من قبلي
عاشو في لرياف في حضان لجبال

سالو علهضبة وسالو عن سهلي
سالو عيني مابكات على لطلال

سالو الواحة لسجى فيها نخلي
ونا ريم وسابقة بين الغزال

بضفاير سودى يتزين شكلي
وعيوني سهام رماح القتال

وشبوبي وضاح من راسي لرجلي
والشاعر فشبوبي قال وماقال

هو.....

شا فت عيني غزال في جنبي قبلي /
بنت القبة جدودها سكنو لجبال/

عربية فالمجد تبني وتعلي/
فالجمال صعيب تلحقها محال/

شاعرة مثل الحليب بالشهد امحلي/
والغيوان على قرينتها ينقال/

الحشمة والدين،فالوقت اتصلي/
بالحايك مغطية زادت خلخال/

حواجب والرمش مكحلهم بلدي/
والحاجب كالقوس حاضيهم قتال/

يا بنت الناس انْعَرْفَكْ أصلي واهلي/
من جيرانك ناس وجدة قاع ابطال/

لغتنا والدين واحبابي واهلي/
فرقنا (ديكول) وابنا جوج بغال/

كي تنظر ليها تسلم وتولي.
..ياحسراه احباب هدشي محال/

ياربي نرجاك بكفوف امعلي/
وبدعوة الحق ما تنباع بمال

يتنسم اهبوب للغيمة يجلي
وترجع ايامن رقص وموال

سيدي يحيى قطب وبحبو مبلي
وفي وهران اسمعت كذا من موال
زغراتات وخيل بيهم متبلي
في شرق المغرب كذا من كوال

مغرب الشعوب يحيى ويولي
ينشد السلام، يقضي علهوال

من بنغازي لطنجة كاين ضلي
نقعد وين بغيت والشجرات طوال

بقلمي