--------------------
خلاص طريقنا اتسد
واتقفلت بينا البيبان
وارتحنا بجد ف البعد
لا هزعل ولاابات غضبان
اصبح لينا طريقين
وارتاحت من دموعها العين
وليلنا اللى كان بيطول
مبقاش حتى ساعتين
وقمرنا اللى ياما تعبناه
وف معانتنا اجهدناه
نور القمر بقى صافى
وجماله يامحلاه
ونجومنا فرحت لبعدنا
حقها ماهى تعبت مننا
كانت بتغني فى ليالينا
ايام ماكنا لبعضنا ......
والمطر اللى كان نازل لينا
ايام ماكنا لوحدينا
شاف له مكان تاني
وساب الدموع فى عنينا
الفجر اللى مكنش بيطلع
والشمس مكنتش بتسطع
دلوقتي الفجر بيجي يضحك
ونور الشمس ولا بيقطع
خلاص انا عرفت دوايا
اتمنى ان انت كمان تعرف
تساعدني وننهي الحكاية
وبكده هاتكون بيا بترأف
---------------
بقلمي / رمضان عبدالله أحمد
Aucun commentaire:
Enregistrer un commentaire