بنحلم ببكرة جاي
نقابل فيه أحلامنا
والحلم لعيونا ضي
بنحكل بيه ايامنا
بنزين يومنا ونعيشه
حتى وهو منتوف ريشه
حتى لو ما لقينا عيشه
ولبسنا المر من خيشه
لازم نحلم
هو الحلم عليه جمارك
أحلم وقول ربي يبارك
مسكين بني أدم والله
تحلم تحلم طول الليل
تبدر زهرة أحلامك
وتغني بعشقك مواويل
أو تسهر مستني لبكرة
وحيبقى بكرة في يوم ذكرى
صدقني دي أصل القصة
حقيقة تصيبك بالغصة
الدنيا يا خويا منفاته
بملوكها وحتى صعاليكها
في جوفها الواد ابن حتاتة
وفي جوفها صفوة عملاقها
ويا بخت من عاش فيها راضي
وكان لأحلامة مش فاضي
هو ده حكم القاضي
والقاضي عادل ورحيم
من خبط يوم على بابه
اجابه. منا ربي كريم
أنا راضي يارب بأقدراك
وطمعان بالرحمة من نارك
طمعان في الاخرة ترحمني
وأدوق احلامي هناك جارك
يحيى حسين 20 يونيو 2020
Aucun commentaire:
Enregistrer un commentaire