مين إللى قال أننا
عالعهد مختلفين
ونسينا ليه حلمنا
وبقينا مشغولين
احنا اتعهدنا أننا
نصمد ليوم الدين
ونصلى يوم كلنا
فى القدس يافلسطين
القدس دى قدسنا
نصارى ومسلمين
عربيه يااهلنا
يشهد علينا الطين
حتى التاريخ قلنا
دونها مؤرخين
عرقها دا عطرنا
حصد نسيم رياحين
نكتب تاريخ بالضنا
نرسم بقهر سنين
وشهيد بدمه هنا
زرع الصمود بساتين
تحصد في يوم زرعنا
بدم فدائين
وف ضلمه يجى السنا
ينور الميادين
رجع الفاروق قلنا
خليكوا متحدين
قاد المسيره بنا
من مئات السنين
وبعده وبكام سنه
كمل صلاح الدين
القدس ترجع لنا
عهد ليوم الدين
محمد السيد سالم
مصر
٢٠٢٠/١/١٥
Aucun commentaire:
Enregistrer un commentaire